کاسمیٹک سرجری نے میرا چہرہ بگاڑ دیا تھا:اشناشاہ کا انکشاف
Stay tuned with 24 News HD Android App
(ویب ڈیسک) خوبرو اداکارہ اشنا شاہ نے انکشاف کیا ہے کہ کاسمیٹک سرجری کی وجہ سے ان کا چہرہ بگڑ گیا تھا۔
پاکستانی ڈرامہ انڈسٹری کی معروف اداکارہ اشناشاہ نے حال ہی میں ایک نجی ٹی وی پروگرام میں کاسمیٹک پروسیجرز پر بات کرتے ہوئےبتایاکہ کہ وہ اب کاسمیٹک سرجری کروانے سے بہت ڈرتی ہیں کیونکہ ایک بار انہوں نے فلرز کروائے تھے جو چہرہ خراب ہونے پر نکلوانے پڑگئے تھے۔
اداکارہ نے بتایا کہ انہیں نیند کے مسائل کا سامنا رہتا ہے جس کی وجہ سے ان کی آنکھوں کے گرد ہلکے ہیں، ایک ڈاکٹر نے انہیں بتایا کہ فلرز سے یہ مسئلہ ٹھیک ہو سکتا ہے اس لئے انہوں نے فلرز کروا لئے اور اس سے آنکھوں کے گرد موجود ہلکے ختم بھی ہوگئے۔
اشنا شاہ نے مزید کہا کہ جب ان کے فلرز کچھ ماہ بعد ختم ہوئے تو ایک سیلون گئیں جہاں انہیں بیوٹیشن نے بتایا کہ یہ فلرز تو وہ بھی کردیتی ہے اور اداکارہ نے اس سے پھر سے فلرز کروا لیے مگر اس سے فلرز کروانے کے بعد ان کی آنکھیں بُری طرح سوج گئیں۔
یہ بھی پڑھیں:رمضان المبارک میں سرِ راہ رقص پر اداکارہ حنا خواجہ بیات کا ردعمل آگیا
معروف اداکارہ کا کہنا تھا کہ ان کی آنکھیں اس قدر سوج گئیں کہ چہرہ ہی عجیب ہوگیا اور انہیں وہ فلرز فوری نکلوانے پڑے،اس واقعے کے بعد سے وہ کسی بھی قسم کی کاسمیٹک سرجری سے ڈرتی ہیں۔