رمضان المبارک ، دوسرے عشرے میں بھی مہنگائی کا جن بے قابو ،شہری پریشان

(احسن  عباسی) رمضان المبارک کے دوسرے عشرے میں بھی مہنگائی کا جن بے قابو، دکاندارخوردنی اشیا کے منہ مانگے دام وصول کرنے لگے ۔

 تفصیلات کے مطابق رمضان المبارک کے دوسرے عشرے میں بھی مہنگائی کا جن بے قابو ہے جس سے غریب اور متوسط طبقہ شدید مشکلات کا شکار ہے ۔
چینی، بیسن ، انڈے ، آٹا، گوشت، سبزیاں و دیگر روزمرہ کی اشیاءمہنگی،چینی 180 روپے کلو میں فروخت ہونے لگی،بیسن 340 روپے کلو پر جا پہنچا۔
فی درجن انڈے 50 روپے اضافے سے 290 روپے میں فروخت،مرغی کا گوشت سرکاری قیمت سے 100 روپے مہنگا  ہو گیا۔

 یہ بھی پڑھیں:پاکستان کی یو اے ای کیلئے برآمدات میں 28 فیصد اضافہ

دوسری جانب چکی مالکان کی بھی من مانیاں جاری ہیں ، آٹا سرکاری قیمت سے 20 روپے مہنگا  فروخت ہو نے لگا۔ 

 دکانداروں کی من مانوں  پر انتظامیہ خاموش ، شہریوں کو گراں فروشوں کے رحم و کرم پر چھوڑ دیا گیا ۔

 شہریوں نے  حکومت سے فوری ریلیف کا مطالبہ کیا  ہے ۔