(محمد حماد)انٹرنیشنل کرکٹ کونسل نے چیمپئنز ٹرافی کے بعد نئی پلیئرز رینکنگ جاری کر دی ہے، جس میں بیٹنگ، بولنگ اور آل راؤنڈرز کی فہرست میں نمایاں تبدیلیاں دیکھنے میں آئی ہیں۔
بیٹنگ رینکنگ میں بھارتی بلے باز شبمان گل کی پہلی پوزیشن برقرار ہے جبکہ پاکستان کے بابر اعظم دوسری پوزیشن پر موجود ہیں، بھارتی کپتان روہت شرما نے فائنل میں شاندار کارکردگی کے بعد 2 درجے ترقی حاصل کر کے تیسری پوزیشن سنبھال لی ہے، جنوبی افریقہ کے ہینرک کلاسن چوتھے اور بھارت کے ویرات کوہلی 5ویں نمبر پر آگئے ہیں۔
بولنگ رینکنگ میں سری لنکا کے مہیش تھیکشانہ کی پہلی پوزیشن برقرار ہے، نیوزی لینڈ کے کپتان مچل سینٹنر 6درجے ترقی کے بعد دوسرے نمبر پر پہنچ گئے ہی، بھارتی سپنر کلدیپ یادیو 3درجے بہتری کے ساتھ تیسرے نمبر پر آ گئے ہیں،جنوبی افریقہ کے کیشو مہاراج چوتھے اور نامیبیا کے برنارڈ اسکالٹز 5ویں نمبر پر موجود ہیں،پاکستان کے فاسٹ بولر شاہین شاہ آفریدی 9ویں پوزیشن پر برقرار ہیں۔
آل راؤنڈرز کی رینکنگ میں افغانستان کے عظمت اللہ عمرزئی کی پہلی پوزیشن قائم ہے،افغانستان کے محمد نبی دوسرے اور زمبابوے کے سکندر رضا تیسرے نمبر پر ہیں۔ نیوزی لینڈ کے کپتان مچل سینٹنر ایک درجہ ترقی کے بعد چوتھے نمبر پر پہنچ گئے ہیں۔
یہ بھی پڑھیں : سینٹرل کنٹریکٹس: بنگلہ دیشی بورڈ نے فاسٹ باؤلر پردولت کی بارش کر دی