بھکاری ہو جائیں ہوشیار،  گداگری ترمیمی بل منظور، لمبی اور سخت سزائیں

(رائو دلشاد)  پنجاب اسمبلی نے  پنجاب گداگری ترمیمی بل 2025 کی  منظور  دے دی، بل کثرت رائے سے منظور کیا گیا، بل گورنر پنجاب کو منظوری کے لئے بھجوایا جائے گا۔گورنر سے منظوری کے بعد ترامیم مسودہ قانون کا حصہ بنیں گی۔
رپورٹ کے مطابق پنجاب اسمبلی میں پیش کئے جانے والے دی پنجاب گداگری (ترمیمی) بل 2025 کی تفصیلات سامنے آ گئیں، پنجاب میں بھیک منگوانا ناقابل ضمانت جرم قرار،کسی ایک شخص سے بھیک منگوانے والے سرغنہ کو 3 سال قید اور 3 لاکھ جرمانہ یا دونوں ہوں گے،جرمانے کی عدم ادائیگی پر مذید 6 ماہ قید کی سزا ہوگی،ایک سے زائد افراد سے بھیک منگوانے والے کو 3 سے 5 سال قید اور 5 لاکھ تک جرمانہ یا دونوں ہونگے،بچوں سے بھیک منگوانے والے سرغنہ کو 5 سے 7 سال قید اور 7 لاکھ تک جرمانہ ہوگا،جرمانے کی عدم ادائیگی پر مذید 1 سال قید کی سزا ہوگی،کسی بچے یا بڑے کو جبری معذور کر کے بھیک منگوانے والے کو 7 سے 10 سال قید اور 20 لاکھ تک جرمانہ ہوگا،جرمانے کی عدم ادائیگی پر گینگ کے سرغنہ کو مذید 2 سال قید کی سزا ہو گی،ایک بار سزا پانے والا شخص اگر جرم دہرائے گا تو آرڈیننس میں دی گئی سزا سے دوگنی سزا اور جرمانہ ہوگا،
حکومت پنجاب نے پیشہ ور بھکاریوں اور مافیا چیفس کو کیفرِ کردار تک پہنچانے کیلئے قانون میں ترامیم پیش کیں،صوبائی کابینہ انسداد گداگری کے قانون میں ترامیم کو پہلے ہی منظور کر چکی ہے،سزاؤں اور جرمانے میں کئی گنا اضافہ بھکاری مافیا کی حوصلہ شکنی کریگا۔ پنجاب اسمبلی کی سپیشل کمیٹی برائے داخلہ دی پنجاب ویگرینسی آرڈیننس میں ترامیم کا جائزہ لیا تھا۔

یہ بھی پڑھیں:بلوچستان حملے میں بیرونی ہاتھ ملوث ہیں،ملک میں مہنگائی اور بیروزگاری ہے،حافظ نعیم الرحمن