چلبل پانڈے کی طرح چلوں تو مار پڑے گی ، سلمان خان

 (24نیوز)بالی ووڈ کے سپراسٹار سلمان خان کا کہنا ہے کہ اگر حقیقی زندگی میں میں گھر پر ’چلبل پانڈے‘ کی طرح چلوں تو میرے والدین مجھے تھپڑ مار دیں۔

تفصیلات کے مطابق اپنی آنے والی فلم’رادھے‘ کے حوالے سے میڈیا نمائندوں سے گفتگو کرتے ہوئے سلمان خان نے کہا ہے کہ جب میں جوان تھا اور کوئی فلم دیکھتا تھا تو میں بھی اسی ہیرو کی طرح بننا چاہتا تھا، اور مجھے لگتا ہے کہ یہ کل ہی کی بات ہو۔انہوں نے کہا کہ میں اب بھی عام لوگوں سے مختلف نہیں اور جب کوئی فلم دیکھتا ہوں تو اس کے کردار جیسا بننا چاہتا ہوں، فلموں میں ہیرو جو اچھےکام کرتا ہے میں اس سے بہت متاثر ہوتا ہوں اور اس کردار کو اپنے ساتھ گھر لے جانا چاہتا ہوں۔

ان کا کہنا تھا کہ جو میں ایکشن فلمیں کرتا ہوں جیسا کہ ’دبنگ‘ کا کردار ہے اسے میں گھر نہیں لے کر جاسکتا۔ ’رادھے‘  بھی ایک کردار ہے، اسے بھی میں گھر نہیں لےکر جاسکتا، اگر میں اپنے والدین کے سامنے چلبل پانڈے کی طرح چلوں تو میرے والد مجھے ماریں گے، والدہ تھپڑ ماریں گی اور بہن بھائی بھی شرمندہ ہوں گے۔

سلمان کا کہنا تھا کہ گھر پہ ہم ایک بھائی اور بیٹے ہوتے ہیں لیکن فلم میں کردار ہوتا ہے ،اس میں بھی بہت سی اچھی چیزیں ہوتی ہیں۔ایک سوال پر سلمان خان کا کہنا تھا کہ میں سمجھتا ہوں کہ ’بجرنگی بھائی جان‘ جیسے کردار کو میں گھر لاسکتا ہوں اور اگر مجھ سمیت دیگر لوگوں کی جانب سے ایسے کردار میں سے 15 سے 20 فیصد بھی گھر میں عمل ہوگیا تو میرا مقصد پورا ہوگیا۔
 یہ بھی پڑھیں:      والدین سے محبت ۔۔۔اداکارہ ایمن خان نے تصویر شئیر کر دی