ارتغرل کی مشہور کردار’سیلجان خاتون‘ کے ہاں بیٹے کی پیدائش
Stay tuned with 24 News HD Android App
(24نیوز)اسلامی فتوحات پر مبنی مشہور تُرک سیریز ’ارتغرل غازی‘ میں سیلجان خاتون کا کردار ادا کرنے والی تُرک اداکارہ دیدم بالچن کے ہاں بیٹے کی پیدائش ہوئی ہے۔
اداکارہ نے سوشل میڈیا سائٹ انسٹاگرام پر مختلف تصاویر شیئر کرتے ہوئے فیملی میں اس نئے اضافے کی خوشخبری مداحوں کو سنائی۔انہوں نے بیٹے کا نام ’عالیجان‘ رکھا ہے، جس کا تذکرہ انہوں نے اپنی پوسٹ میں کیا۔
View this post on Instagram
اداکارہ نے تصاویر شیئر کرتے ہوئے بیٹے کے چہرے کو واضح نہیں کیا اور ایک ایموجی کے ذریعے چہرے کو چھپا دیا۔سیلجان خاتون نے کچھ دن پہلے ہی اپنی انسٹاگرام پوسٹ میں بتایا تھا کہ انتظار کی گھڑیاں ختم ہونے والی ہیں کیونکہ کچھ دن میں ہی وہ ننھے مہمان کی والدہ بن جائیں گی۔
View this post on Instagram
واضح رہے کہ تُرک اداکارہ دیدم بالچن نے تُرک سیریز میں ارطغرل کے بڑے بھائی گنگودو کی اہلیہ سیلجان کا کردار ادا کیا تھا۔دیدم بالچن سال 1982 میں تُرکی کے شہر انقرہ میں پیدا ہوئی تھیں، اُنہوں نے انقرہ یونیورسٹی سے تھیٹر کی ڈگری مکمل کی اور اُس کے بعد استنبول جاکر کئی ڈرامہ سیریز اور فلموں میں اپنی اداکاری کے جوہر دکھائے۔تُرک اداکارہ گزشتہ سال اپنے منگیتر جان ایدین کے ساتھ رشتۂ ازدواج میں منسلک ہوئی تھیں جس کی تصاویر اُنہوں نے اپنے انسٹاگرام پر اکاؤنٹ پر شیئر کی تھیں۔