میا خلیفہ ۔۔ جی جی حدید ۔۔ماہرہ خان نے ٹوئٹر پر اسرائیلی فوج کے فلسطینیوں پر مظالم کی تصاویر شیئر کر دیں

(24 نیوز)رمضان المبارک میں اسرائیلی فوج کی جانب سے غزہ پر فضائی حملوں اور فلسطینی باشندوں پر تشدد پر دنیا کی خاموشی نے پاکستانی فنکاروں کے ساتھ بین الاقوامی مشہور شخصیات کو بھی برہم کردیا ۔

تفصیلات کے مطابق شوبزسے وابستہ شخصیات کی جانب سے مسجد الاقصیٰ اور غزہ پر حملے کی بھر پور مذمت کی گئی ہے۔میا خلیفہ نے ٹوئٹر پر اسرائیلی فوج کی جانب سے فلسطینیوں پر کیے جانے والے مظالم کی تصاویر شیئر کرتے ہوئے لکھا ’میں انسانیت کے خلاف ہونے والے جرائم دیکھ رہی ہوں جن کی امریکا سالانہ 3 اعشاریہ 8بلین ڈالرزکے ساتھ مالی اعانت کررہاہے۔ اس ٹوئٹ میں میاخلیفہ نے ”فری فلسطین“ یعنی فلسطین کی آزادی کا ہیش ٹیگ بھی استعمال کیا۔

All I see are crimes against humanity that the United States is funding with an annual $3.8B. #freepalestine ???????? pic.twitter.com/X9hy7uSv2d

— Mia K. (@miakhalifa) May 10, 2021

اسی طرح امریکا کی معروف سپر ماڈل جی جی حدید نے بھی فلسطینیوں کے ساتھ اظہار یکجہتی کیا ہے۔ انہوں نے مسجد الاقصیٰ پر اسرائیلی فوجیوں کے حملے کے بعد اسٹوری شیئر کی جس میں لکھا تھا ”تم فلسطین کو مٹا نہیں سکوگے۔اس کے علاوہ انہوں نے ایک اور اسٹوری میں لکھا ”ہم ان ماوں کی عزت کرتے ہیں جنہوں نے پولیس کے تشدد اور ڈرون حملوں میں اپنے بچوں کو کھودیا اور ان فلسطینی ماوں کی جو اپنے بچوں سمیت اسرائیلی جیل میں ہیں۔اداکارہ ماہرہ خان نے بھی فلسطینیوں کے حق میں آواز اٹھائی ہے انہوں نے ٹوئٹر پر اسرائیلی پولیس کی جانب سے مسجد الاقصیٰ پر حملے کی ایک ویڈیو شیئر کی اور لکھا دل دہلانے والا منظر، وحشیانہ حملہ۔ ماہرہ نے ”فلسطین لائیوز میٹرز“کا ہیش ٹیگ بھی استعمال کیا۔

Heartbreaking!! Barbaric attacks.. Even worse those who remain silent. #PalestinianLivesMatter https://t.co/lit2qgNuAW

— Mahira Khan (@TheMahiraKhan) May 11, 2021

یہ بھی پڑھیں:انڈین اداکارہ روینہ ٹنڈن پا کستانی ڈھو ل وا لے کی دیوا نی ۔۔ویڈیو وا ئرل