شمالی وزیرستان کے مختلف علاقوں میں عید الفطر منائی گئی 

(24 نیوز)میران شاہ، کم سروبی، میر علی غلام خان، سیدگی، منظر خیل، بویہ لانڈ، اور سید آباد میں نماز عید کے اجتماعات ہوئے،مقامی جامع مسجد کے امام سمیت دیگر افراد پر مقدمات درج۔
 تفصیلات کے مطابق شمالی وزیرستان کے مختلف علاقوں میں عید الفطر منائی گئی ۔نجی ٹی وی کے مطابق شمالی وزیر ستان کے علاقے حسو خیل میں گزشتہ روز کئی افراد نے شوال کے چاند کی رویت کی گواہی دی تھی جس پر شمالی وزیرستان کے مختلف علاقوں میں عید الفطر منائی گئی۔
 شمالی وزیرستان کے ہیڈ کوارٹر میران شاہ، کم سروبی، میر علی غلام خان، سیدگی، منظر خیل، بویہ لانڈ، اور سید آباد میں نماز عید کے اجتماعات ہوئے۔
دوسری جانب شمالی وزیرستان میں چاند نظر آنے سے متعلق گواہی دینے والوں اور بدھ کو عید کا اعلان کرنے پر مقامی جامع مسجد کے امام مولانا فقیر نواز سمیت دیگر افراد کے خلاف ایف آئی آر درج کی گئی ہے تاہم ابھی تک کسی کو بھی گرفتار نہیں کیا گیا ہے۔

شمالی وزیرستان میران شاہ
درپہ خیل عیدگاہ میں نماز عید ادا کی گئی#NorthWaziristan#Miranshah pic.twitter.com/cm6v9R7HcT

— 𝐒𝐡𝐚𝐟𝐢 𝐃𝐚𝐰𝐚𝐫 (@Shafidpk) May 12, 2021

یہ بھی پڑھیں:وفاقی وزراکو رنگ روڈ منصوبے میں کس طرح فائدہ پہنچایا گیا ۔۔ عطا اللہ تارڑ نے حقیقت بتا دی