اسرائیلی حملے سے شہید 11 سالہ حمزہ کی سفید کفن میں مسکراتی تصویر وا ئرل

(24 نیوز)رمضان المبارک میں غزہ پر اسرائیل کی وحشیانہ بمباری کا سلسلہ جا ری ہے اور شہید فلسطینیوں کی تعداد 43 ہو گئی جبکہ سینکڑوں افراد اب بھی زخمی ہیں۔
تفصیلا ت کے مطابق اسرائیلی فورسز کی جانب سے فلسطین میں رہائشی عمارتوں کو نشانہ بنایا گیا جس کے باعث درجنوں عمارتیں مٹی کا ڈھیر بن گئیں۔ حملوں میں اب تک 14 بچے بھی شہید ہوچکے ہیں جبکہ ایک نجی ٹی وی نیٹ ورک نے غزہ میں اسرائیلی بمباری سے شہید ہونے والے 11 سالہ حمزہ کی سفید کفن میں لپٹی تصویر شیئر کی ہے۔
تصویر میں دیکھا جاسکتا ہے کہ شہید 11 سالہ حمزہ کفن میں لپٹا مسکرا رہا ہے اور شہید بچے کے چہرے پر مسکراہٹ کے ساتھ ساتھ اطمینان بھی ہے۔حمزہ کی کفن میں لپٹی تصویر سوشل میڈیا پر تیزی سے وائرل ہورہی ہے اور سوشل میڈیا صارفین بھی اسرائیلی مظالم پر سیخ پا ہیں۔

یہ بھی پڑھیں:کل عیدہے یا نہیں۔۔پو پلزئی کا اہم اعلان