پی ٹی آئی رہنماؤں کیخلاف کریک ڈاؤن جاری، یاسمین راشد بھی گرفتار

(ابراہیم راجہ) حکومت کی جانب سے پی ٹی آئی رہنماؤں کیخلاف کریک ڈاؤن نہ رکا، ڈاکٹر یاسمین راشد کو بھی گرفتار کرلیا گیا۔

   پاکستان تحریک انصاف وسطی پنجاب کی صدر اور سابق صوبائی وزیر ڈاکٹر یاسمین راشد کو گرفتار کر لیا گیا۔

یہ بھی پڑھیے: سینیئر نائب صدر پی ٹی آئی شیریں مزاری بھی گرفتار

ذرائع کے مطابق ڈاکٹر یاسمین راشد کو صوبائی دارالحکومت لاہور سے گرفتار کیا گیا ہے اور ان کی گرفتاری کی تصدیق پی ٹی آئی رہنما عندلیب عباس کی جانب سے بھی کی گئی ہے۔

سابق صوبائی وزیر کو کس کیس میں گرفتار کیا گیا ہے اس حوالے سے معلومات تاحال سامنے نہیں آسکیں۔