کیا یہ احتجاج ہے ،فتنہ، توڑ پھوڑ،خدارا ہوش کے ناخن لیں، حنا خواجہ بیات

(ویب ڈیسک)پاکستان شوبز انڈسٹری کی سینئر میزبان و اداکارہ حنا خواجہ بیات نے ملک میں حالیہ صورتحال پر تشویش کا اظہار کرتے ہوئے اشتعال انگیزوں کو  آڑے ہاتھوں لے لیا۔

تفصیلات کے مطابق اداکارہ حنا خواجہ بیات نے فوٹو اینڈ ویڈیو شیئرنگ پلیٹ فارم انسٹاگرام پر ویڈیو پیغام شیئر کرتے ہوئے تمام پاکستانیوں سے عاجزانہ گزارش کی ہے۔ ویڈیو پیغام میں اداکارہ کا کہنا ہے کہ" احتجاج کرنا ہمارا حق ہے، لیکن اپنے املاک کو نقصان پہنچانا، پبلک پراپرٹی کو توڑ پھوڑ کرنا اس میں صرف ہمارا ہی نقصان ہے"۔

انہوں نے شر پسند عناصر کے حوالے سے سوال اٹھاتے ہوئے کہا کہ" کیا یہ واقعی احتجاج کرنے والے لوگ ہیں جن کا غم و غصہ ہے، یا یہ وہ لوگ ہیں جو ان میں شامل ہو کرفتنہ پھیلانا چاہ رہے ہیں؟انہوں نے یہ بھی کہا کہ اس وقت جہاں پاکستان کھڑا ہے وہاں پر بہت خطرناک صورتحال بنتی جارہی ہے ، خدارا ہوش کے ناخن لیں۔"

View this post on Instagram

A post shared by Hina Khwaja Bayat (@hinakhwajabayatofficial)

مذکورہ ویڈیو پیغام کے کیپشن میں انہوں نے لکھا کہ" تمام پاکستانیوں سول، ملٹری، پبلک، پرائیویٹ، سیکورٹی، گورنمنٹ، عدلیہ، پارلیمنٹرینز سے ایک عاجزانہ گزارش ہے کہ براہ کرم ہمیں ایک دوسرے کے خلاف مت کریں، براہ کرم آگ میں تیل نہ ڈالیں۔"