شعیب ،حفیظ اور عامر سمیت کئی کھلاڑیوں نے بڑی پریمیئر لیگ میں جگہ بنا لی 

(ویب ڈیسک)سری لنکن پریمیئر لیگ2021 میں شعیب ملک، محمد حفیظ اور محمد عامر سمیت کئی پاکستانی کھلاڑیوں نے اپنی جگہ بنالی ہے۔
لنکا پریمیئر لیگ کی فرنچائز ٹیموں نے اپنے سکواڈ میں کھلاڑیوں کو منتخب کرنے کی تصدیق کردی ہے، ان میں 5 فرنچائز کولمبو سٹارز، دمبولا جائنٹس، گال گلیڈئیٹرز، جیفنا کنگز اور کینڈی وارئیرز شامل ہیں۔گال گلیڈئیٹرز نے محمد حفیظ، محمد عامر، سرفراز احمد اور انوار علی شامل ہیں۔کولمبو سٹارز میں احمد شہزاد اور محمد عرفان شامل ہیں۔دمبولا جائنٹس کی ٹیم میں صہیب مقصودشامل ہیں۔جافنا کنگز کی ٹیم میں وہاب ریاض،شعیب ملک اورعثمان شنواری شامل ہیں۔
اس لیگ میں مجموعی طور پر 600 کھلاڑی بشمول 300 غیرملکی کھلاڑی اور 300 سری لنکن کھلاڑیوں کو منتخب کیا گیا ہے، یہ عمل آن لائن منعقد ہوا جس میں 5 فرنچائز کے مالکان اور ایس ایل سی حکام نے شرکت کی۔

یہ بھی پڑھیں: پاکستان کو مستقبل کا کرس گیل مل گیا،چھکوں ،چوکوں کی ویڈیو وائرل