فی کلو قیمت میں 7 روپے کمی،مرغی سستی ہو گئی

(24نیوز)مرغی کا گوشت مزید سستا، لاہور میں مرغی کے گوشت کی قیمت میں مزید 7 روپے فی کلو کمی ہو گئی ہے۔

سرکاری نرخنامے کے مطابق اس کمی کے بعد مرغی کا گوشت 490 روپے کلوہو گیا ہے۔زندہ مرغی کی قیمت میں پانچ روپے کلو کمی ہوئی ہے۔

اس کمی کے بعد زندہ برائلر مرغی کا تھوک ریٹ 324 روپے کلو جبکہ پرچون ریٹ 338 روپے کلو مقرر کیا گیا ہے۔

انڈوں کی فی درجن قیمت میں مزید ایک روپے کا اضافہ ہو گیا ہے جس کے بعد فی درجن انڈے 332 روپے کی سطح پر آ گئے ہیں۔