پاکستان سے شکست پر کرکٹ آسٹریلیا کے چیف مایوس

(24 نیوز)کرکٹ آسٹریلیا کے چیف ایگزیکٹیو نک ہوکلے پاکستان سے ون ڈے سیریز میں شکست پر مایوس ہو گئے۔

اس حوالے سے انہوں نے کہا ہے کہ پاکستان کے خلاف سیریز کا نتیجہ بہت مایوس کُن ہے، ٹیلنٹ کو انٹرنیشنل کرکٹ کا تجربہ دینے کا یہ ایک بہت اچھا موقع ہے۔

نک ہوکلے نے کہا ہے کہ ماضی میں نئے کھلاڑیوں کو موقع نہ دینے کی وجہ سے تنقید کی جاتی رہی، پلان یہی بنایا گیا تھا کہ تمام فارمیٹ کھیلنے والے کھلاڑی بورڈر گواسکر ٹرافی میں اچھی کنڈیشن میں ہوں۔

مزید پڑھیں: بھارت کا انکار، حکومت کی پی سی بی کو ہائبرڈ ماڈل قبول نہ کرنے کی ہدایت

اس سے قبل پاکستان سے شکست پر سابق کپتان مائیکل کلارک سمیت کئی آسٹریلوی کرکٹرز نے کرکٹ آسٹریلیا کو تنقید کا نشانہ بنایا تھا۔

سابق کرکٹرز کی طرف سے کہا گیا تھا کہ پاکستان کے خلاف فیصلہ کُن میچ میں پانچ سینئر کرکٹرز کو آرام نہیں دینا چاہئے تھا۔

یاد رہے کہ پاکستان نے آسٹریلیا کے خلاف 3 ون ڈے میچز کی سیریز 1-2 سے جیتی ہے