سپنر نعمان علی آئی سی سی پلیئر آف دی منتھ قرار

(24 نیوز)انٹرنیشنل کرکٹ کونسل نے پاکستان کے سپنر نعمان علی کو آئی سی سی پلیئر آف دی منتھ قرار دے دیا،نعمان کو اکتوبر کیلئے آئی سی سی پلیئر آف دی منتھ قراردیا گیا ہے۔

نعمان علی نے انگلینڈ کے خلاف ٹیسٹ سیریز کی جیت میں اہم کردار ادا کیا تھا،انہوں نے سیریز میں 13.85 کی اوسط سے 20 وکٹیں لی تھیں۔

اس حوالے سے نعمان علی کا کہنا ہے کہ آئی سی سی پلیئر آف دی منتھ کا ایوارڈ ایک اعزاز ہے۔انہوں نے کہا کہ تاریخی پرفارمنس کے لیے سپورٹ کرنے پر ٹیم کے ساتھیوں کا بھی شکریہ ادا کرتا ہوں۔

واضح رہے کہ آئی سی سی نے اکتوبر کے پلیئر آف دی منتھ کے ایوارڈ کے لیے نعمان علی، کاگیسو ربادا اور مچل سینٹنر کو نامزد کیا تھا۔

دوسری طرف انٹرنیشنل کرکٹ کونسل نے خواتین میں نیوزی لینڈ کی آل راؤنڈر میلی کر آئی سی سی پلیئر آف دی منتھ قرار دیا ہے ۔