باراتیوں سے بھری کوسٹر دریا میں جا گری ، دلہا اس کی ماں اور بھائی سمیت 26 افراد جاں بحق ، متعدد زخمی

 (24نیوز)گلگت بلتستان کے ضلع دیامر میں دلہن کو لیکر گھر واپس لوٹنے والی باراتیوں سے بھری کوسٹر دریا میں جا گری،حادثے کے باعث دلہا، اس کی ماں اور بھائی سمیت 26افرادجاں بحق جبکہ  دلہن شدید زخمی ہو گئی ۔

کوسٹر گلگت بلتستان کے ضلع استور کے گاؤں پریشنگ سے دلہن کو لیکر راولپنڈی کے لیے واپس روانہ ہونے والے باراتیوں کی کوسٹر خوفناک حادثے کا شکار ہو گئی ،جس میں دلہا سمیت 26 افراد جاں بحق ہوئے جبکہ دلہن سمیت کئی افراد شدید زخمی ہوئے ،سامنے آنے والی سرکاری رپورٹ میں کہا گیا ہے کہ گلگت کے علاقے تھلیچی کے مقام پر کوسٹر حادثے میں 26 افراد جاں بحق ہوئےہیں،کوسٹر حادثے میں جاں بحق خواتین سمیت 14 افراد کی میتیں دریا سندھ سے نکالی گئی ہیں، حکام نے کہا ہے کہ کوسٹر حادثے میں جاں بحق 12 افراد لاپتہ ہیں جن کی میتیں دریا سندھ میں تلاش کی جارہی ہیں۔