شرمیلا فاروقی کے والد انتقال کرگئے

 (مانیٹرنگ ڈیسک) محمد عثمان فاروقی کے والد کے انتقال کی تصدیق ان کے اہل خانہ کی جانب سے کی گئی ہے۔
تفصیلات کے مطابق  رکن سندھ اسمبلی شرمیلا فاروقی کے والد محمد عثمان فاروقی انتقال کرگئے،محمد عثمان فاروقی کے انتقال کی تصدیق ان کے اہل خانہ کی جانب سے کی گئی ہے۔

سماجی رابطے کی ویب سائٹ ٹوئٹر پر پی پی رہنما اور رکن سندھ اسمبلی شرمیلا فاروقی کی جانب سے ٹوئٹ کی گئی جس میں وہ والد کا ہاتھ تھامے ہوئے ہیں، شرمیلا نے اس ٹوئٹ کے ذریعے والد کے انتقال کی اطلاع دی، انہوں  نے ٹوئٹ کیا ہے کہ پاپا آپ  ہمیشہ میرے ساتھ ہیں آپ کا دل میرے ساتھ دھڑکتا ہے۔

Together forever Papa.. your heart will beat with mine… إِنَّا لِلّهِ وَإِنَّـا إِلَيْهِ رَاجِعونَ pic.twitter.com/jbE1P6fbTm

— Sharmila Sahibah faruqui S.I (@sharmilafaruqi) October 12, 2021

شرمیلا فاروقی کے مطابق ان کے والد کی   نماز جنازہ بعد نماز عصر رحمانیہ مسجد طارق روڈ میں ادا کی جائے گی،خیال رہے کہ  محمد عثمان فاروقی سابق چیئرمین پاکستان اسٹیل بھی رہ چکے ہیں۔