3 ماہ کے اندر پی ٹی اے میں رجسٹریشن۔۔قواعد کی خلاف ورزی پر بھاری جرمانے،حکومت نئے سوشل میڈیا قوانین لے آئی

(24نیوز) حکومت 'بے لگام سوشل میڈیا کو لگام دینے کے لیے نئے قوانین لے آئی ہے۔

تفصیلات کے مطابق وزارت انفارمیشن ٹیکنالوجی اور پاکستان ٹیلی کمیونیکیشن اتھارٹی (پی ٹی اے) نے سوشل میڈیا کے نئے قوانین بنائے ہیں اور وفاقی کابینہ نے منظوری دے دی ہے۔ ذرائع نے بتایا کہ وزارت انفارمیشن ٹیکنالوجی جلد ہی ایک نوٹیفکیشن جاری کرے گی۔ان قوانین میں عوام سمیت تمام اسٹیک ہولڈرز کی تجاویز ہیں۔ اس سے قبل قوانین کو سوشل میڈیا کمپنیوں نے چیلنج کیا تھا۔نئے قواعد نوٹس ، مقدمات اور کاروائیوں کے اجراء کو بیان کرتے ہیں اور تمام سوشل میڈیا کمپنیوں کو ان قواعد و ضوابط کے تحت 3 ماہ کے اندر پی ٹی اے میں رجسٹرڈ ہونا ضروری ہوگا۔سوشل میڈیا فورمز کو چھ ماہ میں اپنے مستقل دفاتر کھولنے کی ضرورت ہوگی اور وہ 3 ماہ میں کمپلائنس آفیسر اور شکایتی افسر مقرر کریں گے۔

یہ بھی پڑھیں:ٹی ٹونٹی ورلڈ کپ۔۔بھارتی میڈیا نے 2 پا کستانی کھلاڑیو ں کو سب سے بڑا خطرہ قرا ر دے دیا

شکایت افسر شکایت درج ہونے کے 7 دن کے اندر اس مسئلے کو حل کرنے کا پابند ہو گا اور سوشل میڈیا کمپنیاں آن لائن شکایت کے طریقہ کار اور کمیونٹی گائیڈلائن جاری کریں گی۔سوشل میڈیا کمپنیوں کو قواعد کی خلاف ورزی پر 500 ملین تک جرمانہ کیا جائے گا اور انہیں مقامی قوانین کی پابندی کرنی ہوگی۔ شکایت کے اندراج کا طریقہ کار اور فارم بھی قواعد میں شامل ہیں۔

یہ بھی پڑھیں:نشہ آور مشروب پلا کرنرسز اور لیڈی ڈاکٹرز کی نازیبا ویڈیو ز بنانے والا ڈاکٹر گرفتار۔۔50ویڈیوز برآمد