(24 نیوز) کراچی کے آرٹلری میدان تھانے کے مال خانے میں کیس پراپرٹی کے دو کروڑ سے زائد کی رقم موجود تھی جو غائب ہوگئی۔
پولیس نے فروری میں ہونے والی واردات میں ملوث 6 ملزمان کو گرفتار کرکے رقم برآمد کی تھی۔ 2 فروری کو داؤد پوتا روڈ پر سنار سے ساڑھے 3 کروڑ روپے لوٹے گئے تھے۔
یہ تمام رقم چار ماہ سے آرٹلری تھانے کے مال خانے میں رکھی ہوئی تھی۔ جو دو روز پہلے مال خانے سے غائب ہونے کا انکشاف سامنے آیا۔
رقم تھانے سے چوری ہونے کے حوالے سے ہیڈ محرر عبداللہ، تفتیشی افسر محمود اور ڈیوٹی افسر سے تحقیقات کی جارہی ہیں اور واقعہ کی انکوائری ایس پی صدر کے سپرد کردی گئی ہے۔