لاہور:پولیس نے تنگدستی کے باعث گھر سے بھاگے تین بھائیوں کو والد سے ملوا دیا

 (فاران یامین) شفیق آباد تھانہ کی پولیس نے دو ماہ سے لاپتہ تین بھائیوں کو ان کے والد کے سپرد کر دیا ۔

 تینوں بھائی گھر سے تنگ دستی کی وجہ سے بھاگ کر لاہور آ گئے تھے اور کھانے پینے کے لیے لوگوں سے پیسے مانگتے رہے۔

پولیس کو اطلاع ملنے پر  تینوں بھائیوں کو تحویل میں لے لیا گیا۔ والد کو اطلاع کرنے پر یہ پتہ چلا کہ تینوں بھائی گھر سے بھاگے ہوئے ہیں۔

 شیخوپورہ کے رہائشی علی حسن، زاہد اور زین کو بحفاظت ان کے والد کے سپرد کیا گیا ہے۔بچوں کے بحفاظت ملنے پر والد نے شفیق آباد پولیس کا شکریہ ادا کیا اور ان کے لیے دعائیں دیں۔