کراچی کنٹونمنٹ انتخابات، 2 جعلی پولنگ ایجنٹس  گرفتار 

(مانیٹرنگ ڈیسک) کنٹونمنٹ بورڈانتخابات کی پولنگ کے دوران ریٹرننگ افسر کلفٹن نے کارروائی کرتے ہوئے وارڈ نمبر 4 سے 2جعلی پولنگ ایجنٹس کو گرفتار کیا ہے۔

تفصیلات کے مطابق ریٹرننگ افسر کلفٹن نے دو جعلی پولنگ ایجنٹس کو گرفتار کرلیا جبکہ جعلی پولنگ ایجنٹ لیڈیزپولنگ اسٹیشن کے اندرموجود تھے ۔ ملک بھر میں کنٹونمنٹ بورڈ ز کی 206نشستوں پر ووٹنگ کا عمل جاری ہے جو کہ شام پانچ بجے تک بلاتعطل جار ی رہے گا جبکہ اس موقع پر سیکیورٹی کے سخت انتظامات کئے گئے ہیں۔

واضح رہے کہ کراچی میں سب سے زیادہ 6 کنٹونمنٹ ہیں، 42 وارڈز ہیں، کوئی بھی جماعت تمام سیٹوں پر امیدوار نہ اتار سکی ، تحریک انصاف نے سب سے زیادہ 41 امیدوار میدان میں اتارے ہیں ، پیپلز پارٹی 40، جماعت اسلامی 38، ایم کیو ایم کے 32 امیدوار ہیں۔ پی ایس پی 27، ن لیگ کے 22 امیدوار، 108 آزاد امیدوار بھی مدمقابل ہیں۔

یہ بھی پڑھیں:    تیسرے روز بھی بارش کا سلسلہ جاری ،موسم خوشگوار ہو گیا