قطر کے وزیرخارجہ کابل پہنچ گئے۔وزیراعظم ملا محمد حسن اخوند سے مذاکرات

 (24نیوز)افغانستان سے امریکی انخلا اور طالبان کے کنٹرول کے بعدحکومت سازی اورطالبان حکومت کے تسلیم کرنے کے حوالے سے پیشرفت جاری ہے ۔لیکن مغربی ممالک ابھی طالبان حکومت کو تسلیم کرنے پر شش وپنج میں مبتلا ہیں۔
افغان اردو کے مطابق اسی حوالے سے اتوار کو قطر کے وزیرخارجہ شیخ محمد بن عبدالرحمان الثانی نے افغانستان کو دورہ کیا۔کابل کے صدارتی محل میں وزرا نے ان کا پرتپاک استقبال کیا۔بعد ازاں وزیراعظم ملا محمد حسن اخوند کی سربراہی میں مذاکرات ہوئے اور موجودہ صورتحال پر تبادلہ خیال کیا گیا۔

قطر کے وزیرخارجہ شیخ محمد بن عبدالرحمان الثانی کا دورہ
کابل کے صدارتی محل میں وزرا نے استقبال کیا
وزیراعظم ملا محمد حسن اخوند کی سربراہی میں مذاکرات، موجودہ صورتحال پر تبادلہ خیال pic.twitter.com/IEi4RP08T5

— افغان اردو (@AfghanUrdu) September 12, 2021

واضح رہے کہ افغانستان سے اتحادی افواج کے انخلا کے سلسلے میں قطر کا کردار اہم ہے۔تقریباً تمام مذاکرات دوحہ میں ہوئے تھے۔قطر کے وزیرخارجہ کا یہ دورہ بھی معاملات کے حل کیلئے اہمیت کا حامل ہے۔یاد رہے کہ افغانستان کے بیرون ملک اکاﺅنٹ منجمد ہیں اور اس وقت افغانستان کو مالی بحران کا سامنا ہے۔

بعد ازاں قطری وزیر خارجہ نے سابق افغان صدر حامد   کرزئی اورسابق چیف ایگزیکٹو عبداللہ عبداللہ سے ملاقات کی اور تازہ ترین افغان صورتحال پر بات چیت کی۔

قطر کے وزیرِ خارجہ اور نائب وزیرِ اعظم شیخ محمد بن عبدالرحمان آل ثانی کی کابل میں سابق افغان صدر حامد کرزئی اور ڈاکٹر عبداللہ عبداللہ سے ملاقات، تازہ ترین صورتحال پر تبادلہ خیال pic.twitter.com/F3JAax1rzd

— افغان اردو (@AfghanUrdu) September 12, 2021

یہ بھی پڑھیں۔بھارتی ریٹائرڈ میجر جنرل نے اداکار شان اور گلوکار عمیر جسوال کی تصویر شیئر کرکے ایسا دعویٰ کر دیاکہ خودمذاق بن گیا