ملک بھر میں گزشتہ چوبیس گھنٹوں کے دوران کورونا کے 105 کیسز رپورٹ

(ویب ڈیسک) پاکستان میں کورونا وائرس کے کیسز میں کمی آ رہی ہے۔ گزشتہ چوبیس گھنٹوں کے دوران ملک بھر میں کورونا کے 105 کیسز سامنے آئے۔

قومی ادارہ برائے صحت کے مطابق گزشتہ چوبیس گھنٹوں کے دوران ملک میں کرونا وائرس سے متاثرہ کوئی مریض جاں بحق نہیں ہوا۔

این آئی ایچ کا کہنا ہے کہ 24 گھنٹوں کے دوران ملک بھر میں 13 ہزار 5 سو 33 کرونا ٹیسٹ کیے گئے جن میں مثبت کیسز کی شرح 0.78 فی صد رہی۔

COVID-19 Statistics 12 September 2022
Total Tests in Last 24 Hours: 13,533
Positive Cases: 105
Positivity %: 0.78%
Deaths: 00
Patients on Critical Care: 94

— NIH Pakistan (@NIH_Pakistan) September 11, 2022

نیشنل انسٹیٹیوٹ آف ہیلتھ کی جاری کردہ رپورٹ کے مطابق کووِڈ نائنٹین سے ہونے والے انفیکشن کے باعث ملک بھر کے مختلف اسپتالوں میں زیر علاج 94 مریضوں کی حالت تشویش ناک ہے۔

یاد رہے کہ پاکستان میں مجموعی طور پر اب تک 15 لاکھ 71 ہزار 1 سو 96 افراد کورونا سے متاثر ہو چکے ہیں جب کہ مجموعی اموات کی تعداد 30 ہزار 5 سو 99 ہو چکی ہے۔