میجر راجہ عزیز بھٹی شہید کا 57 واں یوم شہادت آج منایا جا رہا ہے

(ویب ڈیسک)نشان حیدر میجر راجہ عزیز بھٹی کا 57 واں یوم شہادت ملک میں پورے عقیدت و احترام سے منایا جا رہا ہے۔

راجہ عزیز بھٹی 1928 میں ہانگ کانگ میں پیدا ہوئے اور 1947 میں آزادی سے پہلے پاکستان جا کے  ضلع گجرات کے گاؤں لڈیاں میں بس گئے۔1950 میں انہوں نے پاک فوج میں شمولیت اختیار کی اور پنجاب رجمنٹ میں کمیشن حاصل کیا۔1965  ستمبرمیں پاک بھارت جنگ کے دوران برکی، لاہور میں ایک کمپنی کمانڈر کے طور پر پوسٹ ہوئے.

میجر راجہ عزیز بھٹی نے اپنی پلاٹون کے ساتھ  سٹریٹجک بی آر بی کینال پردفائی پوزیشن لینے کا فیصلہ کیا ,مسلسل پانچ دن تک بہادری سے  دشمن کے حملوں کا مقابلہ کیا اور دشمن کے  بی آر بی کو پار کر کے لاہور پر قبضہ کرنے کے منصوبے کو خاک میں ملا دیا۔     

Today is the martyrdom anniversary of a brave son of the nation
MAJOR AZIZ BHATTI
shaheed Nishan e Haider.
The real heros who sacrifice their lives to protect us.
We must remember our heros and pay homage to them.
???????????? pic.twitter.com/NQOpI8uw94

— Usman (@_Sk678) September 12, 2022

دشمنوں کے ٹینکوں اور توپ خانے کی مسلسل فائرنگ سے بے خوف ہوکر میجر راجہ عزیز  بھٹی نےاپنے بہادر سپاہیوں کے ساتھ بی آر بی نہر کے دفاع کو منظم کیا ۔ 12ستمبر کو دشمن کے ٹینکوں نے ایک بار پھر جب لاہور کا رکھ کیا تو  میجر عزیز بھٹی نے جوابی  تابڑ توڑ حملے کا آغاز کیا جس کے دوران دشمن ٹینک کا ایک گولہ میجرعزیزبھٹی شہید کےسینے پرآ لگااور وہ جام شہادت نوش کر گئے۔  میجر عزیز بھٹی کو 1965 کی جنگ میں بے مثال جرات اور قیادت کے سبب ملک کے اعلیٰ ترین اعزاز نشان حیدر سے نوازا گیا۔