بچوں نے ملکہ برطانیہ کو منفرد انداز میں خراج عقیدت پیش کی

(ویب ڈیسک )ملکہ الزبتھ دوم کے انتقال کی خبر سامنے آنے کے بعد سے شاہی خاندان کو دنیا بھر سے تعزیتی پیغامات موصول ہورہے ہیں جبکہ لوگوں کی جانب سے ملکہ کو خراجِ عقیدت بھی پیش کیا جا رہا ہے۔ملکہ برطانیہ کو خراجِ عقیدت پیش کرنے والوں میں ننھے بچے بھی شامل ہیں۔

تفصیلات کے مطابق، بچوں نے ملکہ کو خراجِ عقیدت پیش کرنے کے لیے رائل پارکس میں پھولوں کے ساتھ ساتھ پیڈنگٹن ٹیڈی بیئرز اور سینڈوچ بھی لا کر رکھے۔بچوں کے اس اقدام کی وجہ یہ ہے کہ ملکہ برطانیہ نے انتقال سے کچھ عرصہ پہلے اپنی پلاٹینیم جوبلی کے موقع پر پیڈنگٹن ٹیڈی بیئر کے ہمراہ ایک دلچسپ ویڈیو ریکارڈ کروائی تھی۔ملکہ برطانیہ کو اس ویڈیو میں پیڈنگٹن کے ہمراہ ٹی پارٹی کرتے ہوئے دیکھا جاسکتا ہےاور ٹی پارٹی ختم ہونے کے بعد پیڈنگٹن ملکہ سے کہتا ہے کہ وہ کسی بھی ہنگامی صورتحال میں کھانے کے لیے ہمیشہ اپنی ٹوپی میں ایک مارملیڈ سینڈوچ رکھتا ہے۔پیڈنگٹن کی بات مکمل ہونے پر ملکہ مسکراتے ہوئے اپنے پرس میں سے  ایک مارملیڈ سینڈوچ نکالتی ہیں اور کہتی ہیں کہ میں نے اپنا سینڈوچ پرس میں رکھا ہے جوکہ میں بعد میں کھاؤں گی۔

Elizabeth II may not have been able to appear at as many events as she wanted to at the Diamond ???? Jubilee celebrations this year but she stole the show with a certain bear ???? https://t.co/Om72pwPxT8

— Pirate Irwin (@pirateirwin) September 8, 2022

 اب رائل پارکس نے اپنی ویب سائٹ پر جاری کردہ ایک بیان میں کہا کہ انتظامیہ لوگوں کی جانب سے لایا گیا کوئی تحفہ اور کھانے کی اشیاء قبول نہیں کرے گی۔

انتظامیہ نے عوام سے مطالبہ کیا ہے کہ ملکہ کو خراجِ عقیدت پیش کرنے کے لیے صرف پھول ہی لائیں۔