حریم شاہ کا چیئرمین پی سی بی ذکاء اشرف کی ویڈیو جاری کرنے کا اعلان

(ویب ڈیسک)سوشل میڈیا کی مشہور اور متنازع شخصیت  ٹک ٹاکر حریم شاہ نے پاکستان کرکٹ بورڈ (پی سی بی) مینجمنٹ کمیٹی کے چیئرمین ذکا اشرف کی ویڈیو جاری کرنے کا عندیہ دیدیا۔ 

تفصیلات کے مطابق حریم شاہ نے سماجی رابطے کی ویب سائٹ  ایکس  پر ایک پوسٹ میں کہا کہ پاک بھارت ایشیا کپ 2023 کے میچ میں پاکستان کی مایوس کن کارکردگی پر   پاکستان کرکٹ بورڈ منیجمنٹ کمیٹی کے چیئر مین ذکا اشرف کا ایک ویڈیو کلپ جاری کیا جائے گا۔

ٹیم پاکستان کی بری کارکردگی پر کل دوپہر 2 بجے چئیرمین پی سی بی زکا اشرف کی وڈیو جاری کروں گی#INDvsPAK pic.twitter.com/UFXrc4k4SU

— Hareem Shah (@_Hareem_Shah) September 11, 2023

ٹک ٹاکر حریم شاہ کی جانب سے یہ پوسٹ  کولمبو کے آر پریماداسا اسٹیڈیم میں ہونے والے ایشیا کپ کے سپر فور مرحلے میں بھارت کے خلاف پاکستان کی اہم شکست کے بعد کی گئی،حریم شاہ کا کہنا تھا کہ  آج  دوپہر 2 بجے پاکستان کرکٹ بورڈ (پی سی بی) مینجمنٹ کمیٹی کے چیئرمین ذکا اشرف کی ویڈیو وائرل کرونگی۔

یہ بھی پڑھیں: موٹرسائیکل خریدنے والوں کیلئے خوشخبری

خیال رہے کہ ایشیا کپ  کے سپر فور مرحلےمیں بھارت نے   پاکستان کو 228 رنز سے شکست دے دی ہے,پاکستان کیخلاف ون ڈے کرکٹ میں بھارت کی سب سے بڑی کامیابی ہے۔

پاکستان کی ون ڈے کی تاریخ میں رنز کے اعتبار سے دوسری بدترین شکست ہے،اس سے قبل پاکستان 2009 میں سری لنکا سے 234 رنز سے ہارا تھا۔