(24نیوز) عالمی مالیاتی فنڈز کی ڈائریکٹر کمیونیکیشن جولیا کوزیک نے حکومت کی جانب سے کیے جانے والے اقدامات کی تائید کردی، ان کا کہنا تھا کہ آئی ایم ایف 25 ستمبر کو پاکستان کیلئے قرض پروگرام کی منظوری دے سکتا ہے۔
تفصیلات کے مطابق پاکستان آئی ایم ایف کو راضی کرنے میں کامیاب ہوگیا ، 25 ستمبر کو ہونے والے ایگزیکٹیو بورڈ کے اجلاس میں پاکستان کے قرض پروگرام کی منظوری کو بھی ایجنڈے کا حصہ بنالیا گیا ہے۔آئی ایم ایف کی ڈائریکٹر کمیونیکیشن جولیا کوزیک کی جانب سے اس بات کی تصدیق کی گئی، انھوں نے بتایا کہ ایگزیکٹو بورڈ کا اجلاس 25 ستمبر کو ہوگا جس میں پاکستان کے لیے نئے قرض پروگرام کی منظوری متوقع ہے۔
جولیا کوزیک کے مطابق پاکستان کے ساتھ مذاکرات جولائی میں مکمل ہو گئے تھے، جس میں 7 ارب ڈالرز کے نئے قرض پروگرام پر بات چیت ہوئی تھی۔