(24 نیوز)قومی کرکٹ ٹیم کے کپتان بابراعظم کا کہنا ہے کہ شکست کو پس پشت ڈال کر مثبت چیزوں کے ساتھ میدان میں اتریں گے۔
تفصیلات کے مطابق قومی کرکٹ ٹیم کے کپتان بابر اعظم نے کہا اپنے ویڈیو بیان میں کہاہے کہ دوسرے میچ میں ہمارا دن اچھا نہیں تھا، جلد گرنے والی وکٹوں نے بھی کافی نقصان پہنچایا، جس کی وجہ سے ہم مومینٹم کھو بیٹھے، مڈل آرڈر میں میری اور حفیظ کی شراکت بھی لمبی نہیں چلی۔
بابراعظم کا کہنا تھا کہ یہ بات درست ہے کہ مڈل آرڈر جدوجہد کر رہی ہے تاہم ابھی ہمیں یہاں اور زمبابوے میں بھی ٹی 20 میچز کھیلنے ہیں، اس دوران مختلف کمبی نیشنز کی آزمائش جاری رہے گی تاکہ بھارت میں شیڈول ٹی 20 ورلڈ کپ تک موزوں کمبی نیشن تشکیل دے سکیں۔
جنوبی افریقہ سے اگلے میچ کے بارے میں بابر اعظم نے کہا کہ ہمارا برا دن گزرچکا ،ایک بار پھر سیریز میں برتری حاصل کرنے کی پوری کوشش ہوگی۔
انہوں نے کہا کہ مجھے اپنی ٹیم پر مکمل اعتماد اور یقین ہے کہ اگلے میچ میں ہم اچھا پرفارم کریں گے۔ قومی کپتان نے کہاکہ دوسرے میچ میں فتح کا کریڈٹ جنوبی افریقہ کو بھی دینا چاہیے، مختلف پچ پر انہوں نے بہت اچھی بولنگ کی۔
یہ بھی پڑھیں:رنگ روڈ پر سفر کرنے والوں کے لئے بڑی خبر