پی ٹی آئی کی خالی سیٹوں پر ضمنی انتخابات کروائیں گے۔ خورشید شاہ

(24 نیوز) پیپلزپارٹی  کے رہنما خورشید شاہ  نے کہا ہے  پی ٹی آئی کے استعفوں کے بعدضمنی انتخابات کروائے جائیں گے۔

پاکستان پیپلزپارٹی کے رہنما خورشید شاہ نے کہاہے کہ عمران خان کو جلسے کرنے سے نہیں روکیں گےلیکن کسی شریف آدمی کی پگڑی اچھالنے کی ہر گز اجازت نہیں دیں گے ۔ 

 خورشید شاہ نے کہا کہ عمران خان ایک چیزبتا دیں جو انہوں نے کنٹینر پر چڑھ کر کہی اور پوری کی ہو؟خورشید شاہ نے کہا کہ خط پر ان کیمرہ بریفنگ کے ساتھ سفیر کو بھی بلایا جائے گا۔

 یہ بھی پڑھیں:پی ٹی آئی کی سیاسی مہم۔ حکومت نے بھی بڑا اعلان کردیا

پیپلزپارٹی رہنما کا کہناتھا کہ ہم ن لیگ کے ساتھ کھڑے ہیں ۔وفاق اور پنجاب کی سیاست کو الگ الگ نہیں کریں گے لیکن ق لیگ والوں کے ساتھ بھی ہمارے تعلقات خراب نہیں ہیں۔

 یہ بھی پڑھیں: تحریک انصاف آج پشاور میں میدان سجائے گی