(زین مدنی)پاکستانی معروف ماڈل و اداکارہ علیزے گبول نے عمرے کی سعادت حاصل کر لی۔
تفصیلات کے مطابق اداکارو ماڈل علیزے گبول نے فوٹو اینڈ ویڈیوز شیئرنگ ایپ انسٹاگرام پر اپنے پہلے عمرے کی خوشخبری مداحوں کو دیتے ہوئے کچھ تصاویر اور ویڈیوز شیئرکردی، اداکارہ ایک ہفتہ قبل عمرے کی سعادت کیلئے مکہ المکرمہ گئیں تھیں، تصاویر میں اداکارہ کو صحن کعبہ میں کھڑا دیکھا جا سکتا ہے۔
علیزہ نے تصاویر اور ویڈیوز شیئر کرتے ہوئے کیپشن میں لکھا کہ " الحمدللہ میرا پہلا عمرہ مکمل ہوا وہ بھی رمضان المبارک میں جمعے کے دن اس سے زیادہ خوشی اور شکر گزار نہیں ہو سکتا"۔ انہوں نے مزید کہا کہ "یہ حقیقت تھی، میں نے اس منظر کا تصور کیا اور خواب دیکھا اور کعبہ کو چھونے کے لیے برسوں تک، یہ بالآخر سچ ہو گیا، ایسا محسوس ہوا کہ میرا دل گھر پر ہے۔"
اداکارہ نے مزید دعا کی کہ" اللہ ہماری دعائیں قبول فرمائے، ہمیں معاف فرمائے اور ہر ایک کو اس روح پرور تجربے کا تجربہ کرنے کا موقع نصیب فرمائے آمین"۔
خیال رہے کہ شوبز انڈسٹری کی کئی معروف شخصیات نے اس رمضان میں عمرہ کی سعادت حاصل کی ہے.