معروف آسٹریلوی ماڈل دماغ کی ناکام سرجری کے بعد چل بسیں

(ویب ڈیسک)معروف بین الاقوامی برینڈز ورساچے اور ارمانی کے ساتھ کام کے بعد مشہور ہونے والی آسٹریلوی ماڈل لوسی مارکووچ 27 سال کی عمر میں چل بسیں۔

میڈیا رپورٹس کے مطابق لوسی مارکووچ کی حال ہی میں دماغ کی سرجری ہوئی تھی،لیکن سرجری سے پیدا ہونے والی پیچیدگیوں کے باعث وہ چل بسیں۔

میڈیا رپورٹس کے مطابق لوسی آسٹریلیا کی ٹاپ نیکسٹ ماڈل تھیں،لوسی مارکووچ کے گھر والوں نے ماڈل کے انتقال کا اعلان کرتے ہوئے بتایا کہ لوسی کے دماغ کی شریانوں میں خرابی کے سبب سرجری کروائی گئی تھی۔

اس سے قبل ماڈل مارکووچ نے بھی انکشاف کیا تھا کہ وہ شریانوں کی خرابی (AVM) کے لیے سرجری کروانے والی ہیں۔

یہ بھی پڑھیں:سیف علی خان کی والدہ اداکارہ شرمیلا ٹیگورنے کینسر کوشکست دیدی:بیٹی سوہا کا انکشاف

دوسری جانب لوسی مارکووچ کی ایجنسی نے اپنے جاری کردہ بیان میں لوسی مارکووچ کو ایک روشن چہرہ اور روشنی قرار دیا ہے،لوسی کی ایجنسی کا کہنا ہے کہ ماڈلنگ لوسی کے خوابوں میں سے ایک خواب تھا اور ہمیں اس کے ساتھ اس کے سفر کا حصہ بننے پر بہت فخر ہے۔