ڈی جی خان تا ملتان شٹل ٹرین چلانے کا فیصلہ

(24 نیوز)ریلوے انتظامیہ نے عوام کی سہولت کے پیش نظر ملتان، ڈیرہ غازی خان کے درمیان (227Dn/228Up) کے نام سے 16 اپریل 2025 سے شٹل ٹرین چلانے کا فیصلہ کیا ہے۔

رپورٹس کے مطابق شٹل ٹرین 227Dn ملتان سے صبح 5 بجکر30 منٹ پر روانہ ہو کر شیر شاہ، مظفرگڑھ، کوٹ ادو سے ہوتی ہوئی صبح 9 بجکر 30 منٹ پر ڈیرہ غازی خان پہنچے گی۔

 228Dn ڈیرہ غازی خان سے دن 11بجے روانہ ہو کراسی روٹ سے ہوتی ہوئی دوپہر2 بجکر50 منٹ پرملتان کینٹ ریلوے سٹیشن پہنچا کرے گی۔

ٹرین 4 ا کانومی کلاس کوچزاورایک بریک وین پر مشتمل ہوگی، ریلوے انتظامیہ نے کراچی سٹی ریلوے سٹیشن سے کوئٹہ کے درمیان چلنے والی 3Up بولان میل کے اوقات کارمیں  تبدیلی کا فیصلہ کیا ہے۔

مزید پڑھیں:پنجاب :عوامی رابطہ کمیٹیاں قائم کرنے کی ہدایت