(24 نیوز)امریکی کانگریس کے وفد کی آرمی چیف جنرل سید عاصم منیر سے ملاقات کی جس کے دوران علاقائی سیکیورٹی اور دفاعی تعاون پر تبادلہ خیال کیا گیا۔
آئی ایس پی آر کے مطابق پاکستان اور امریکا کے درمیان دیرپا شراکت داری پر زور دیا گیا۔
امریکی وفد نے دہشت گردی کے خلاف پاک فوج کے کردار کی تعریف کی، پاکستان کے علاقائی امن و استحکام میں کردار کو سراہا گیا۔
امریکی وفد نے پاکستان کی خودمختاری کے احترام کا اعادہ کیا، سیکیورٹی، تجارت، سرمایہ کاری اور معاشی ترقی پر تعاون بڑھانے پر اتفاق کیا گیا۔
آئی ٹی کے شعبے میں تربیتی تعاون سے متعلق مفاہمتی یادداشتوں پر دستخط کیے گئے۔
جنرل عاصم منیر نے وفد کو دورے پر شکریہ اور تعاون بڑھانے کی خواہش کا اظہار کیا۔
یہ بھی پڑھیں:حکومت پاکستان کا آزادکشمیر میں ائیرپورٹ بنانے کا فیصلہ