برطانوی ہائی کمشنر نے پاکستان کے 75 سال پورے ہونے پر ویڈیو پیغام جاری کر دیا

پاکستان کا 75 واں یوم آزادی قائم مقام برطانوی ہائی کمشنر اینڈریو ڈالگکیش  نے ویڈیو پیغام جاری کیا جس میں انہوں نے پاکستانی عوام کو 75 سال مکمل ہونے پر مبارک باد دی۔

 تفصیلات کے مطابق  اینڈریو ڈالگکیش نے کہا کہ  پیارے پاکستانیو ، السلام و علیکم میں آج یہاں حیرت انگیر شکرپڑیاں نیشنل پارک میں پاکستان ، برطانیہ کے تعلقات کے 75 برس مکمل ہونے کو منا رہا ہوں، اس اہم سنگ میل کومنانے کے لیے برطانوی ہائی کمشن سٹاف نے یہاں 75 درخت لگائے ہیں۔  اینڈریو ڈالگکیش نے  مزید کہا کہ  دیگر سرگرمیوں کی طرح ہم نے یہ ٹاسک پاکستانی عوام کی مدد سے پورا کیا،رواں برس برٹش پاکستان فاؤنڈیشن اور برطانیہ میں پاکستانی ہائی کمشن نے اس پچھتر سالہ سفر میں   برطانیہ میں ساڑھے سات ہزار درخت لگائے ۔ یہ سرگرمیاں ہماری گہرے عوامی سطح کے رابطوں کا ثبوت ہیں۔

پاکستان کا 75 واں یوم آزادی

قائمقام برطانوی ہائی کمشنر اینڈریو ڈالگکیش کا ویڈیو پیغام

پیارے پاکستانیو ، السلام و علیکم

میں آج یہاں حیرت انگیر شکرپڑیاں نیشنل پارک میں پاکستان ، برطانیہ کے تعلقات کے 75 برس مکمل ہونے کو منا رہا ہوں، قائمقام برطانوی ہائی کمشنر#ARYNews pic.twitter.com/g2hi8RVgNB

— Amir Raza Khan (@AmirRazakhan042) August 13, 2022

 اینڈریو ڈالگکیش نے مزید کہا کہ اس وقت پاکستان اور برطانیہ موسمیاتی تبدیلیوں کی پیش بندی اور صنفی برابری جیسے دنیا کے بڑے چیلنجز سے مل کر نمٹ رہے ہیں۔قائم مقام برطانوی ہائی کمشنر نے کہا کہ مجھے علم ہے کہ آئندہ 75 برس بھی یہ سب جاری رکھیں گے۔

 قائم مقام برطانوی ہائی کمشنر کا پیغام ہے کہ سالگرہ مبارک، یوم آزادی مبارک ،عزم عالی شان ، شاد ارض پاکستان ،