مریم نواز کی طرف سے ارشد ندیم کو ملنے والی گاڑی کا انوکھا نمبر توجہ کا مرکز بن گیا

 (24نیوز)وزیراعلیٰ پنجاب مریم نواز کی جانب سےاولمپکس میں پاکستان کا نام روشن کرنے والے  قومی ہیرو ارشد ندیم کو گاڑی تحفے میں دی گئی ہے، جس کی نمبر پلیٹ نے لوگوں کی توجہ اپنی جانب مبذول کرلی ہے۔

صوبائی وزیر اطلاعات عظمیٰ بخاری نے سوشل میڈیا پلیٹ فارم ”ایکس“ پر جاری پیغام میں کہا کہ مریم بی بی خود چل کر ارشد ندیم کے گھر گئیں، اسے انعام کی رقم کے ساتھ ساتھ ایک گاڑی بھی گفٹ کی جس کا نمبر 92.97 ہے، خیال رہے کہ جیولن تھرو ایونٹ میں قومی ایتھلیٹ ارشد ندیم نے اولمپکس میں 92.97 میٹر تھرو کر کے نیا ریکارڈ بنایا اور شاندار تھرو کر کے اولمپکس کا 118 سالہ ریکارڈ توڑا تھا۔

 انہوں نے دو مرتبہ ریکارڈ بنایا، ان کی ایک تھرو 92.97 میٹر جبکہ دوسری 91.79 میٹر کے فاصلے تک گئی اور یوں انہوں نے 2008 میں بنایا گیا 90.57 میٹر کا اولمپک ریکارڈ توڑ دیا، وزیر اطلاعات و ثقافت پنجاب عظمیٰ بخاری نے کہا کہ ہیروز کو عزت ایسے دی جاتی ہے۔

یہ  بھی پڑھیں: سرکاری خزانہ میرے باپ کا نہیں،وزیراعلیٰ علی امین کا ارشد ندیم کو انعام پر انوکھا جواب