عیسائی نہیں، چاہتی ہوں کہ بچے ہر مذہب کا احترام کریں،نور بخاری

(24نیوز)نور بخاری نے انسٹاگرام اکائونٹ پر عیسائیوں کے مذہبی تہوار کرسمس کے حوالے سے ویڈیو اور تصویر سٹوری میں شیئر کی ۔ ویڈیو میں دیکھا جاسکتا ہے کہ نور بخاری بچوں کے ساتھ مل کر کرسمس ٹری سجا رہی ہیں۔نور بخاری نے یہ ویڈیو شیئر کرنے کے بعد انسٹا اسٹوری میں ایک خصوصی پیغام بھی جاری کیا ہے۔
تفصیلات کے مطا بق سابقہ اداکارہ نے کہا کہ ’میں عیسائی نہیں لیکن میں چاہتی ہوں کہ میرے بچے تمام مذاہب کا احترام کریں اور یہ ہماری طرف سے ایک مثبت اشارہ ہے۔‘نور بخاری نے کہا کہ ’میری بیٹیوں کو کرسمس ٹری تیار کرنا بہت پسند ہے۔‘انہوں نے مزید کہا کہ ’ہمارا مقصد کسی کی دل آزاری  کرنا نہیں ہے کیونکہ ہم سب ہی اللّہ تعالیٰ کی مخلوق ہیں۔‘یاد رہے کہ عیسائیوں کا مذہبی تہوار ’کرسمس‘ ہر سال 25 دسمبر کو منایا جاتا ہے۔پاکستان فلم انڈسٹری کو خیرباد کہہ کر نور بخاری گزشتہ کئی عرصے سے اپنے زندگی اسلامی تعلیمات کے مطابق بسر کر رہی ہیں۔وہ اپنے انسٹا گرام اکا ئونٹ پر اکثر ایسی تصاویر جاری کر تی رہتی ہیں جن کا کوئی نہ کو ئی مقصد یا ان کےاندر کوئی اچھا پیغا م ہوتا ہے۔