(24نیوز)ٹوبہ ٹیک سنگھ میں نامعلوم افرادکی فائرنگ سےمیاں بیوی سمیت4افرادکوقتل کردیاگیا۔
تفصیلات کےمطابق ٹوبہ ٹیک سنگھ کے علاقے ہیرا کالونی میں نامعلوم افرادنے گھر میں گھس کر فائرنگ کرکے 4افرادکو موت کے گھاٹ اتار دیا،پولیس کےمطابق افسوس ناک واقعہ میں جاں بحق افرادمیں میاں بیوی،کم سن بچی اورخاتون کی والدہ شامل ہے،مقتولین کے سر اور چھاتی پر گولیاں ماری گئیں۔
نامعلوم افرادکی فائرنگ سےجاں بحق ہونےوالےمقتول کی شناخت عبدالقدیرکےنام سےہوئی جوکہ ریلوےکاریٹائرڈملازم تھا،مقتول نےچندسال قبل دوسری شادی کی تھی، اطلاع ملتےہی پولیس جائےوقوعہ پرپہنچ گئی اورلاشوں کوتحویل میں لےکرڈسٹرکٹ ہسپتال منتقل کردیاگیا۔
پولیس نےموقع واردات سےتمام شواہداکٹھےکرکےکارروائی کاآغازکردیا۔