کراچی: گھر میں یوپی ایس کی بیٹری پھٹنے سے آتشزدگی، 5 بہنیں جھلس گئیں
کیپشن: فائل فوٹو
سورس: گوگل
Stay tuned with 24 News HD Android App
(24نیوز)کراچی کے علاقے کیماڑی میں گھر میں یوپی ایس کی بیٹری پھٹنے سے 5 بہنیں جھلس گئیں۔
پولیس کے مطابق کیماڑی کچھی پاڑہ میں گھر میں یو پی ایس میں آگ لگنے کے بعد بیٹری دھماکے سے پھٹ گئی جس سے پورا گھر آگ کی لپیٹ میں آگیا، آگ کی شدت دیکھ کر اہلخانہ نے سلنڈر پھٹنے کا اندازہ لگایا۔
فائر بریگیڈ عملے کے آگ بجھانے کے بعد پولیس نے متاثرہ گھر کا مشاہدہ کیا تو گھر میں سلنڈر پھٹنے کے کوئی شواہد نہیں ملے،پولیس کے مطابق گھر میں آگ یو پی ایس کی بیٹری پھٹنے سے لگی جس سے 5 بہنیں زخمی ہوئیں جن کی عمریں 3سے 11 سال کے درمیان ہیں، زخمی بچیوں کو سول ہسپتال کے برنس وارڈ میں طبی امداد دی جارہی ہے جہاں ان کی حالت خطرے سے باہر ہے۔
پولیس نے بتایا کہ زخمی بچیوں میں 3 سال کی عشاء، 5 سال کی علیشا، 7 سال کی مناہل، 9 سال کی تعبیر اور 11 سال کی عائزہ شامل ہے۔