جومعاوضہ روکتے ہیں ان کےساتھ دوبارہ کام نہیں کرتی، نادیہ افگن
بلیک بک میں ایسے لوگوں کے نام درج کرتی ہوں جن کےساتھ مزید کام کرنے کی خواہش نہیں
Stay tuned with 24 News HD Android App
(ویب ڈیسک)سینئراداکارہ نادیہ افگن نے انکشاف کیا ہے کہ انہیں آج تک کئی ڈراموں کا معاوضہ نہیں ملا ہے۔
نادیہ افگن حال ہی میں ایک انٹرویو میں شریک ہوئیں جہاں شوبزکےحوالے سے مختلف موضوعات پر خیالات کا اظہار کیا۔
معروف اداکارہ نے انکشاف کیا کہ انہوں نے ایک بلیک بک بنا رکھی ہے جس میں وہ ایسے پروڈیوسرز، اداکاروں اور ہدایتکاروں کے نام درج کرتی ہیں جن کے ساتھ وہ مزید کام کرنے کی خواہش مند نہیں ہیں۔
نادیہ افگن نے مزید کہا کہ وہ ایسے کئی پورے پورے ڈرامے کر چکی ہیں جن میں بطور اداکارہ کام کرنے کیلئے انہیں آج تک پیسے نہیں ملے، تاہم جن پروڈیوسرز نے ان کا معاوضہ روکا وہ ان کے ساتھ دوبارہ کام نہیں کرتیں اور ان کو صاف بتا دیتی ہیں کہ ڈرامے کے پیسے نہ ملنے پر دوبارہ کام کرنے سے گریز کر رہی ہیں۔
اداکارہ نے کہا کہ رزق خدا دیتا ہے،الحمداللہ آج بھی کام مل رہا ہے اور کام کر رہی ہوں، مگر بہت سے لوگ اس بلیک بک میں جا چکے ہیں،میں اکثر اپنے شوہر سے کہتی ہوں کہ سارے لوگ جن کے ساتھ کام کرتی تھی وہ بلیک بک میں چلے گئے ہیں اگر کام نہ ملا تو کیا کروں جس پر وہ مجھے یوٹیوب چینل سے کمانے کا مشورہ دیتے ہیں۔
واضح رہے کہ نادیہ افگن کئی مقبول ڈراموں میں اداکاری کے جوہر دکھا چکی ہیں۔