(24نیوز)جنوبی افریقہ نے دوسرے ٹی 20 میں بھی پاکستان کو شکست دے کر سیریز اپنے نام کرلی۔
تفصیلات کے مطابق پاکستان نے پہلے کھیلتے ہوئے 5وکٹوں کے نقصان پر 206 رنز سکور کئے،پاکستان کی جانب سے صائم ایوب 57 گیندوں پر 98 رنز بنا کر نمایاں رہے۔
پاکستان کے 207 رنز کے تعاقب میں جنوبی افریقہ نے بیٹنگ کا آغاز کیا تو دو بلے باز جلد ہی پویلین لوٹ گئے ،جہاندادخان کی گیند پر رین ریکلٹن پویلین لوٹ گئے جبکہ جہانداد خان نے اپنے دوسرے اوور میں میتھیو بریٹز کے کو بھی اپنا شکار بنایا۔
اس کے بعد آںے والے بلے بازوں نے محتاط بیٹنگ کرتے ہوئے میچ کا پانسہ پلٹ دیا اور میچ پر گرفت حاصل کرلی تاہم جنوبی افریقہ کے بلے باز ریزاہینڈرکس نے 63 گیندوں پر 117 رنز کی شاندار اننگز کھیلی۔
وینڈرے ڈیوسن اور کپتان کلاسن نے شاندار پارٹنرشپ قائم کرتے ہوئے میچ کو اختتام تک پہنچایا۔
ٹی 20 سیریز میں جنوبی افریقہ کو پاکستان کے خلاف 0۔2 کی برتری حاصل ہوگئی۔
قبل ازیں،پاکستان نے پہلے بیٹنگ کرتے ہوئے 207 رنز کا ہدف دیا،اوپنر بلے باز صائم ایوب نےشاندار بیٹنگ کا مظاہر کرتے ہوئے98 رنز بنائے۔
پاکستانی بلے بازوں نے اٹیکنگ شروعات کی اور جنوبی افریقی گیندبازوں کو مشکل وقت دیا،اوپنز بلے باز اور ’نوک شاٹ‘ کیلئے جانے والے صائم ایوب نے بہترین بیٹنگ کرتے ہوئے 98رنز بنائے۔
کپتان محمد رضوان 13 گیندوں پر 12 رنز بنا کر پویلین لوٹ گئےاور اس کے بعد بابر اعظم نے بھی آوٹ ہونے میں جلدی کی،بابراعظم 20 گیندوں پر 31 رنز بناکر پویلین لوٹ گئے،عثمان خان محض 3 رنز بنا سکےتاہم صائم ایوب نے دھواں دار بیٹنگ کرتے ہوئے 5 چھکوں اور 11 چوکوں کے ذریعے 57گیندوں پر 98 رنز بنائے۔
عرفان نیازی نے16 گیندوں پہ 30 رنز بنائے،اس کی اننگز میں 2 چھکے اور 3 چوکے شامل تھے جبکہ عباس آفریدی نے آخری اوور میں ایک چھکا اور ایک چوکا مارا جس سے میچ کی پہلی اننگزمکمل ہوئی اور جنوبی افریقہ کو 20 اوورز میں 207 رنز کا ہدف بڑا ہدف ملا۔
جنوبی افریقہ کی جانب سے دیان گلیم اور اوٹیل بارٹ مین 2،2 وکٹیں لے کر نمایاں رہے۔
قبل ازیں، پاکستان نے ٹاس جیت کر پہلے بیٹنگ کرنے کا فیصلہ کیا ہے،3 ٹی ٹوئنٹی میچز کی سیریز کے دوسرے میچ میں ٹاس جیت کر پہلے بیٹنگ کرنے کا فیصلہ کیا ہے،سنچورین میں کھیلے جارہے میچ میں پاکستان کے کپتان محمد رضوان نے ٹاس جیت کر پہلے بیٹنگ کرنے کو ترجیح دی ہے۔
دوسرے ٹی ٹوئنٹی کیلئے قومی ٹیم میں ایک تبدیلی کی گئی ہے، سپنر سفیان مقیم کی جگہ فاسٹ بولر جہانداد خان کو ٹیم میں شامل کیا گیا ہے،پاکستان ٹیم میں کپتان محمد رضوان، بابر اعظم، صائم ایوب، عثمان خان، طیب طاہر، محمد عرفان خان نیازی شامل ہیں۔
علاوہ ازیں ،عباس آفریدی ، شاہین شاہ آفریدی، حارث رؤف،جہانداد خان اور ابرار احمد بھی دوسرے ٹی ٹوئنٹی کیلئے قومی ٹیم کا حصہ ہیں۔
واضح رہے میزبان جنوبی افریقا کو سیریز میں ایک صفرکی برتری حاصل ہے۔
یہ بھی پڑھیں: بابراعظم ،شاہد آفریدی کے ٹی ٹوئنٹی کرکٹ میں چھکوں کا ریکارڈ توڑنے کے قریب