لاشوں پر گمراہ پروپیگنڈا بے نقاب،پی ٹی آئی لسٹ میں شامل ایک اور شخص کا ویڈیو بیان آگیا

(احمد منصور) پاکستان تحریک انصاف( پی ٹی آئی) لاشوں پر سیاست کرنے کیلئے جھوٹ اور من گھڑت پروپیگنڈا کرتے ہُوئے ایک بار پھر رنگے ہاتھوں پکڑی گئی۔ 

 تفصیلات کے مطابق تحریک انصاف کی سوشل میڈیا ایکٹیوسٹ خدیجہ صدیقی نے من گھڑت 139 ناموں کی لسٹ اپنے ایکس ہینڈل سے جاری کی،من گھڑت لسٹ میں سیریل 59 نمبر پر خالد مزاری کا نام بھی گھڑ دیا گیا،تحریک انصاف کے آفیشل ایکس ہینڈل نے خدیجہ صدیقی کے اس پوسٹ کو ری پوسٹ کردیا۔

خالد مزاری نے اس لا پتہ افراد کی لسٹ میں اپنا نام دیکھ کر ویڈیو بیان دے دیا،خالد مزاری کا تعلق روجھان، ڈیرہ غازی خان سے ہے،خالد مزاری نے اپنے ویڈیو بیان میں کہا ہے کہ پی ٹی آئی کا جھوٹ اور پروپیگنڈا اتنا پھیل چکا ہے کہ لوگ اس پر من و عن تسلیم کر رہے ہیں،تحریک انصاف نے اپنے اکاؤنٹ سے ایک جھوٹی لسٹ جاری کی ہے اس میں میرا نام بھی 59 نمبر پر ہے،میرا تحریک انصاف سے دور دور تک کوئی تعلق نہیں،لوگ اس بات کو سچ سمجھیں گے کے واقعی شاید اتنے لوگ مسنگ ہیں یا مارے جا چکے ہیں، یہ سب جھوٹ ہے سب بکواس ہے۔ 

جھوٹ اور من گھڑت پروپیگنڈا کے ذریعے لوگوں کو گمراہ کیا جا رہا ہے،متعلقہ اداروں کو اس زہریلے جھوٹے پروپیگنڈا کرنے والوں کے خلاف سخت ایکشن لینا ہوگا۔ 

یہ بھی پڑھیں: سوشل میڈیا پر جھوٹا پروپیگنڈا،جے آئی ٹی  نے مزید ملزمان کو نوٹسز جاری کر دیے