لاہور میں دھندکےڈیرے، موٹروےبند،فلائٹس شیڈول متاثر

(24نیوز)پنجاب میدانی علاقوں میں دھند اندھا دھند ،راستے دھندلا گئے ، قومی شاہراہوں پر ٹریفک کی روانی متاثر ۔آج  ملک کے بیشتر علاقوں میں موسم سرد اور خشک رہے گا۔

لاہور  سمیت پنجاب کے مختلف علاقوں میں شدید دھند کی وجہ سے موٹر وے ایم 3 کو لاہور سے عبد الحکیم تک بند کر دیا گیا ہے۔ترجمان موٹرے پولیس کے مطابق شدید دھند کی وجہ سے پنڈی بھٹیاں سے فیصل آباد تک بھی موٹروے بند کر دی گئی ہے۔ترجمان موٹر وے پولیس کا کہنا ہے کہ دیگر شہروں میں بھی دھند کی وجہ سے حد نگاہ انتہائی کم ہے لہذا ڈرائیورز احتیا طی تدابیر اختیار کریں اور دوران ڈرائیونگ فوگ لائٹس کا استعمال کریں۔

دوسری جانب محکمہ موسمیات نے آج ملک میں موسم سرد اور خشک رہنے کی پیشگوئی کی ہے جبکہ بالائی خیبر پختونخوا ،کشمیر  اورگلگت بلتستان میں مطلع ابر آلود رہنے کی توقع ہے۔