سینٹ الیکشن،تحریک انصاف نے امیدواروں کا اعلان کر دیا

(24نیوز) تحریک انصاف نے سینٹ الیکشن کے لئے اپنے امیدواروں کا اعلان کردیا۔

وزیراعظم عمران خان کی زیر صدارت تحریک انصاف کے پارلیمانی بورڈ کا اجلاس ہوا جس میں سینٹ انتخابات کے لئے امیدواروں کو فائنل کیا گیا اور وزیراعظم کی منظوری کے بعد حتمی ناموں کا اعلان کیا گیا۔پی ٹی آئی کی جانب سے سینٹ الیکشن کے لئے پنجاب سے سیف اللہ نیازی، اعجاز چودھری، عون عباس، علی ظفر اور ڈاکٹر زرقا کو امیدوار نامزد کیا گیا۔سندھ سے فیصل واوڈا اور سیف اللہ ابڑو امیدوار ہوں گے جبکہ خیبرپختونخوا سے شبلی فراز، محسن عزیز، ذیشان خانزادہ، فیصل سلیم، نجیب اللہ خٹک، دوست محمد اور ڈاکٹر ہمایوں مہمند امیدواروں میں شامل ہیں۔ثانیہ نشتر، فلک ناز چترالی اور گوردیپ سنگھ بھی خیبرپختونخوا سے تحریک انصاف کے امیدوار ہوں گے۔ اسلام آباد سے مشیر خزانہ حفیظ شیخ اور فوزیہ ارشد کو امیدوار نامزد اس کے علاوہ بلوچستان سے عبدالقادر تحریک انصاف کے سینٹ کے امیدوار ہوں گے جبکہ  بابر اعوان، شہزاد اکبر، عامر مغل اور سجاد طوری سینٹ کا ٹکٹ حاصل نہ کرسکے۔ْ

واضح رہےکہ ملک میں سینٹ انتخابات کا انعقاد 3 مارچ کو کیا جائےگا جس کے لئے کاغذات نامزدگی 15 فروری تک جمع کرائے جاسکتے ہیں۔