پی ایس ایل پاکستان میں مگرافتتاحی تقریب استنبول میں ہوگی

(24نیوز)پا کستان کرکٹ کا سب سے بڑا ایونٹ پی ایس ایل پاکستان میں منعقدہو رہا ہے  جبکہ اس کی افتتاحی تقریب استنبول میں ہوگی ۔اس تقریب میں شر کت کے لئے آفیشل گیت گانے والے فنکار ترکی پہنچ گئے۔
تفصیلا ت کے مطا بق ذرائع کا کہنا ہے کہ افتتاحی تقریب ملک سے باہر کروانے پر پی سی بی نے تبصرے سے گریز اور ترید یا تصدیق سے انکار کردیا ہے۔
 ذرائع کا کہنا ہے کہ بائیو سیکور ببل کی وجہ سے افتتاحی تقریب نیشنل اسٹیدیم میں نہیں ہوگی، بائیو سیکور ببل کی وجہ سے گرائونڈ میں اسٹیج اور فنکاروں کا آنا ممکن نہیں ہے۔ پی ایس ایل کی افتتاحی تقریب ریکارڈ کرکے بیس فروری کو نشر کی جائیگی۔