(24نیوز)چیئرمین پشتونخوا میپ محمود خان اچکزئی کا کہنا ہے کہ پاکستان آج تنہا رہ گیا ہے اس کےمسائل کا حل پاکستان ڈیموکریٹک موومنٹ (پی ڈی ایم) نکال سکتی ہے۔
تفصیلات کے مطابق بلوچستان کے ضلع لورالائی میں حکومت مخالف اتحاد پی ڈی ایم کے جلسہ سے خطاب میں محمود خان اچکزئی نے کہاکہ ہم ایسا پاکستان چاہتےہیں جہاں تمام قومیتوں کو برابر کے حقوق ہوں۔ پی ڈی ایم میں کوئی جھگڑا نہیں ہےسب مولانافضل الرحمٰن کی قیادت میں متحد ہیں۔انہوں نے کہا کہ تمام اقوام کو کہتا ہوں کہ وہ ظالم کا ساتھ نہ دیں۔ہم چاہتے ہیں کہ پارلیمنٹ طاقت کا سرچشمہ ہو۔