معروف ہالی ووڈ کردار ’ایکوا مین‘ اور اہلیہ کے درمیان علیحدگی 

(ویب ڈیسک) زمین کے شیطانوں سے لڑتے سمندر کے بادشاہ ’ایکوا مین‘ کا مرکزی کردار ادا کرنے والے ہالی ووڈ اداکار جیسن موموا اور اہلیہ کے درمیان علیحدگی ہوگئی۔
بین الاقوامی میڈیا رپورٹس کے مطابق ایکوا مین اسٹار جیسن موموا اور ان کی اہلیہ لیزا بونٹ نے اپنے ایک مشترکہ بیان میں اپنی علیحدگی کا اعلان کیا۔بیان میں لکھا گیا کہ ’ہم سب نے اس تبدیلی کے وقت کے دباؤ اور تبدیلیوں کو محسوس کیا ہے، ایک انقلاب برپا ہو رہا ہے اور اس طرح ہم اپنی ازدواجی زندگی سے متعلق خبر شیئر کررہے ہیں کہ ہم دونوں اپنی راہیں جدا کرتے ہوئے علیحدگی اختیار کررہے ہیں۔‘جوڑے نے عوامی سطح پر اس خبر کا اعلان کرنے کی وجہ بتائی اور لکھا کہ ’ہم اس خبر کو اس لیے شیئر نہیں کررہے کہ ہمیں لگتا ہے کہ یہ خبر کے قابل ہے بلکہ اس لیے کہ ہم اپنی زندگیوں کو عزت اور ایمانداری کے ساتھ گزارنا چاہتے ہیں‘۔ا±نہوں نے کہا کہ ’ہمارے درمیان محبت جاری رہے گی لیکن ہم دونوں ایک دوسرے کو اس رشتے سے آزاد کر رہے ہیں‘۔جوڑے نے مزید کہا کہ ’وہ اپنے بچوں کی بہترین پرورش کےلئے ان کے والدین بن کر رہیں گے۔

یہ بھی پڑھیں: وزیراعظم سے تلخ کلامی ۔۔۔پرویز خٹک کا موقف بھی سامنے آگیا