اے این ایف کی کارروائیاں، بھاری مقدار میں منشیات برآمد

(ویب ڈیسک)  انٹی نارکوٹکس فورس نے ملک کے مختلف حصوں میں کارروائیاں کرتے ہوئے بھاری مقدارمیں منشیات برآمد کرلیں۔

اے این ایف حکام کے مطابق مختلف علاقوں میں کی جانیوالی کارروائیوں میں 875 کلوگرام منیشات برآمد کی گئی ہے۔

حکام کے مطابق جیوانی کے قریب کارروائی میں  7 سو کلوگرام چرس جبکہ بلوچستان جنرل ایریا راجے میں 110 کلو آئس، 20 کلو افیون اور 4 کلو چرس برآمد کر لی گئی۔

یہ بھی پڑھیے: ملتان،سی ٹی ڈی کی کارروائی، ٹی ٹی پی کے 2 دہشتگرد گرفتار

اس کے علاوہ خیبر کے علاقے میں پلاسٹک کے تھیلوں سے 23 کلو 5 سو گرام چرس برآمد کی گئی۔

راولپنڈی انٹرنیشنل میل آفس میں پارسل سے 16 کلو5 سو گرام سے زائد آئس برآمد کی گئی جبکہ راولپنڈی مری روڈ کے قریب ملزم کے قبضے سے 10 نشہ آور گولیاں اور 58 گرام آئس برآمد کرلی گئی۔