(زین مدنی )نئے سال میں لالی وڈ کی نئی فلم"رنگ عشقے دا"ریلیز ہوگئی ۔
فلم"رنگ عشقے دا" کے پروڈیوسر ڈاکٹر کاشف ریاض٫رائٹر و ڈائریکٹر پرویز کلیم جبکہ کاسٹ میں علی عباس،زاریہ خان،آمنہ راہی،اچھی خاں ،افتخار ٹھاکر،نغمہ بیگم اور مدیحہ شاہ شامل ہیں۔فلم کا پریمیئر کیو سینما میں ہوا جس میں فلم انڈسٹری کی نامور شخصیات نے شرکت کی جن میں ذوالفقار علی مانا ،چوہدری اعجاز کامران،ڈائریکٹر الطاف حسین،مسعود بٹ،میوزک ڈائریکٹر ذوالفقار علی ،جرار رضوی،میگھا،عارف لوہار،عائشہ چوہدری، حیدر سلطان،سدرہ نور،صفدر ملک ،جنت علی،اور خلیل الرحمٰن قمر سمیت بہت سے دیگر لوگ شامل ہیں۔
اس موقع پر فلم کی کاسٹ کا کہنا تھا کہ فلم شائقین کو ضرور پسند آئے گی کیونکہ یہ ایک مکمل فیملی فلم ہے جس کی کہانی ،ڈائیلاگ اور میوزک بہترین ہے۔ہماری سینما انڈسٹری کو ایسی ہی فلموں کی ضرورت ہے۔ پروڈیوسر ڈاکٹر کاشف ریاض کا کہنا تھا کہ فلم میں علی عباس اور زاریہ خان کو متعارف کرایا گیا ہے جنہوں نے بہت اچھا کام کیا ہے۔علی عباس کا کہنا تھا کہ پرویز کلیم نے سب فنکاروں سے بہت اچھا کام لیا۔پریمیئر کے اختتام پر فلم انڈسٹری کی نامور شخصیات اور دیگر شرکا نے"رنگ عشقے دا" کو بہترین فیملی فلم قرار دیا۔