نیوزی لینڈ کیخلاف فخر کے بعد رضوان کی بھی ففٹی

پاکستان کی نیوزی لینڈ کے خلاف تیسرے اور فیصلہ کن ایک روزہ میچ میں ٹاس جیت کر بیٹنگ جاری ہے اور گرین شرٹس نے دو وکٹوں کے نقصان پر  137 رنز بنا لیے ہیں۔

قومی ٹیم کی جانب سے فخر زمان اور شان مسعود نے اننگز کا آغاز کیا لیکن شان مسعود دوسری ہی گیند پر بغیر کوئی رن بنائے وکٹوں کے پیچھے کیچ آؤٹ ہو گئے جبکہ 21 کے مجموعی اسکور پر پاکستان کے کپتان بابر اعظم 13 گیندوں پر صرف 4 رنز بنا کر بریسویل کی گیند پر اسٹمپ آؤٹ ہو گئے۔ 

Vital knock from @iMRizwanPak ✨

He hits his 8️⃣th ODI half-century. #PAKvNZ | #TayyariKiwiHai pic.twitter.com/koXfkyWWQC

— Pakistan Cricket (@TheRealPCB) January 13, 2023

دو وکٹیں جلد گرنے کے بعد فخر زمان اور محمد رضوان نے ذمہ دارانہ بیٹنگ کا مظاہرہ کرتے ہوئے اپنی ٹیم کا اسکور آگے بڑھایا اور اسی دوران فخر زمان نے ایک روزہ میچوں میں اپنی 16 ویں نصف سنچری اسکور کی، محمد رضوان نے بھی سیریز کی دوسری اور اپنے کیرئیر کی آٹھویں نصف سنچری مکمل کی۔  

.@FakharZamanLive brings up his 16th ODI fifty ????#PAKvNZ #TayyariKiwiHai pic.twitter.com/DwyPUqQlcp

— Pakistan Cricket (@TheRealPCB) January 13, 2023

 قبل ازیں قومی ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا اور ان کا کہنا تھا کہ قومی ٹیم میں دو تبدیلیاں کی گئی ہیں۔

بابر اعظم کا کہنا تھا امام الحق کی جگہ شان مسعود اور نسیم شاہ کی جگہ محمد حسنین پلینگ الیون کا حصہ ہیں، امام الحق انجری کا شکار ہیں جبکہ نسیم شاہ بھی بخار میں مبتلا ہیں۔قومی ٹیم کے کپتان کا کہنا تھا بولرز کی کارکردگی سے مطمئن ہوں، پچ بیٹنگ کے لیے اچھی لگ رہی ہے ، بیٹنگ میں زیادہ سے زیادہ رنز بنانے کی کوشش کریں گے۔

دوسری جانب نیوزی لینڈ کی ٹیم میں کوئی تبدیلی نہیں کی گئی اور دوسرا ایک روزہ میچ جیتنے والی ٹیم کو ہی برقرار رکھا گیا ہے۔

یاد رہے کہ تین ایک روزہ میچوں کی سیریز ایک ایک سے برابر ہے، پہلے ون ڈے میں پاکستان نے 6 وکٹوں سے کامیابی حاصل کی تھی جبکہ دوسرے ایک روزہ میچ میں نیوزی لینڈ نے پاکستان کو 79 رنز سے شکست دیکر سیریز ایک ایک سے برابر کر دی تھی۔