پی ایس ایل 10 کی ڈرافٹنگ جاری،وارنر کراچی،ڈیرل مچل لاہور کے ہو گئے

(24  نیوز )پاکستان سپر لیگ (پی ایس ایل)  2025 کے  ڈرافٹ کی تقریب لاہور میں جاری ہے۔

فرنچائزز کے مالکان اور ٹیم مینجمنٹ  ڈرافٹ کی تقریب میں شرکت کررہی ہے، لاہور قلندرز کے عاطف رانا، ثمین رانا اور کپتان شاہین شاہ آفریدی بھی ڈرافٹ کی تقریب میں موجود ہیں۔

ڈرافٹ کی تقریب حضوری باغ لاہور، شاہی قلعہ میں منعقد ہورہی ہے،  اولمپئن ارشد ندیم بھی پی ایس ایل ڈرافٹ کی تقریب میں پہنچ گئے۔

پلاٹینم کیٹیگری

پلاٹینم کیٹیگری میں کراچی کنگز نے ڈیوڈ وارنر، ایڈم ملنے، عباس آفریدی کا انتخاب کرلیا۔

لاہور قلدرز نے پلاٹینم کیٹیگری میں ڈیرل مچل کا انتخاب کیا ہے۔

پشاور زلمی نے پلاٹینم کیٹیگری میں ٹام کوہلر کیڈمور کو رائٹ ٹو میچ کے ذریعے حاصل کیا۔

کوئٹہ گلیڈی ایٹرز نے فن ایلن، مارک چیپمین اور فہیم اشرف کا انتخاب کرلیا۔

ملتان سلطانز نے مائیکل بریسویل کا انتخاب کیا۔

اسلام آباد یونائیٹڈ نے میتھیو شورٹ کا انتخاب کیا ہے۔

 ڈائمنڈ کیٹیگری

ڈائمنڈ کیٹیگری میں خوشدل شاہ کراچی کنگز، کاربن بوش اور محمد علی پشاور زلمی، جیسن ہولڈر اسلام آباد یونائیٹڈ، کشال پریرا لاہور قلندرز کا حصہ بن گئے۔

ایچ بی ایل پی ایس ایل کا تاریخی 10 واں ایڈیشن اس سال 8 اپریل سے 19 مئی کے درمیان منعقد ہوگا جس میں شرکت کیلئے کئی غیرملکی کھلاڑیوں نے رجسٹریشن کرائی ہے۔

 گولڈ کیٹیگری
پشاور زلمی نے گولڈ کیٹیگری میں وائلڈ کارڈ پر پاکستانی بیٹر عبدالصمد کو پک کر لیا۔

اسلام آباد یونائیٹڈ نے گولڈ کیٹیگری میں آسٹریلین آل راؤنڈر بین ڈوراشس کا انتخاب کیا جبکہ کراچی کنگز نے قومی فاسٹ باؤلر عامر جمال کو پک کر لیا۔

ملتان سلطانز نے گولڈ کیٹیگری میں قومی بیٹر کامران غلام کو  اور پشاور زلمی نے بنگلہ دیش کے فاسٹ بولر ناہید رانا کو پک کیا۔

پشاور زلمی نے گولڈ کیٹیگری میں قومی آل راؤنڈر حسین طلعت کا انتخاب کیا۔